Vdes mamia llapjane Sanije Topanica, iu ndihmoi grave në lindje gjatë luftës
Hoti: Më lehtë bashkëpunojmë me AAK’në e Nismën, se me Vetëvendosjen (Video)
Qëllimi i LDK-së, konkretisht koalicionit LAA, mbetet “PDK-ja në opozitë”. Kandidati për kryeministër i LAA, Avdullah Hoti, riktheksoi vendosmërinë në dështimin e këtij koalicionit.
“PDK duhet të mbetet në opozitë. Në momentin që dështon PAN me krijimin e qeverisë ne do të fillojmë të konsultohemi me të gjitha partitë politike përveç PDK-së dhe platforma do të jetë programi i LDK-së. Nuk do të bëjmë kompromis në vlerën dhe platformën e LDK-së. Ne fillimisht do të bisedojmë në fraza të programit, nëse arrijmë të kemi përafrim në program, atëherë mund të flasim për poste e ministra”, ka thënë ai në “Rubikon” të KTV’së.
Mirëpo, sipas Hotit, përafrimi në program me Vetëvendosjen mbetet i vështirë, ndonëse LDK si parti e qendrës së djathtë ka qëndrime krejtësisht të ndryshme.
http://www.dailymotion.com/video/x5sq0c5_a-hoti-ldk_news
“Zhvillimi ekonomik, ne jemi parti e djathtë, ata të majtë. Ata synojnë të rrisin taksat e ne si të djathtë mendojmë ta mbajmë prej 27 – 30 për qind. Absolutisht nuk ka kompromis mbi parimet tona, a janë parime të tyre apo jo nuk e di por është në program të tyre”, ka thënë Hoti.
“Tjetër është te proceset integruese, fqinjësia e mirë, mbi atë se si është krijuar shteti i Kosovës”, është shprehur ai.
Këtë përafrim në program, Hoti e sheh më shumë me AAK-në e Nismën, ndonëse tash mbetet e vështirë për shkak të koalicionit që këta dy të fundit kanë me PDK-në.
