Shefi i Grupit Parlamentar të LDK-së, Avdullah Hot në seancën e jashtëzakonshme që po mbahet ka akuzuar kryetarin e Kuvendit të Kosovës, Kadri Veseli për vonesën e kësaj seance.

Sipas tij, kjo seancë është vonuar për shkak se Veseli është i zërë me fushatën zgjedhore.

Më tej ai ka akuzuar kryeministrin e Kosovës, Ramush Haradinaj duke thënë se kjo është Qeveria e parë që është votuar në Kosovë pa debat parlamentar.

“Kryeministri ka injoruar 59 deputetëve të Kuvendit të opozitës dhe e ftojë  të mos e quaj opozitën një cirk. Kryeministri dhe shumica do të ketë nevojë për opozitën për të gjitha marrëveshjet tjera. Nëse ju kryeministër nuk qëndroni për të dhënë llogari si është formuar qeveria, për pazaret politike, ne nuk do të qëndrojmë për votimin e marrëveshjes IPA që kërkon 2/3 votat e opozitës. Qeveria është e varur nga opozita. Ditët i keni të numëruar dhe le të punojmë në interes të qytetarëve”, ka thënë Hoti./Indeksonline/