Hoti: Do të vazhdojmë pa hezitim që ta ndalim idenë për ndryshimin e kufijve

Shefi i Grupit Parlamentar të Lidhjes Demokratike të Kosovës, Avdullah Hoti, ka thënë se mungesa e njohjeve të reja dhe ngecjet në liberalizimin e vizave janë procese që po dëmtohen shumë nga propozimi për ndryshimin e kufijve, përcjellë ‘Gazeta Blic’.

Hoti ka pohuar se ideja për ndryshimin e kufijve po sjell vetëm efekte të dëmshme. Ai ka theksuar se do të vazhdojnë pa  hezitim që ta ndalin këtë ide, dhe që e vetmja zgjidhje janë zgjedhjet.

Shihni më poshtë, shkrimin e plotë të Avdullah Hotit në ‘Facebook’:

Mungesa e njohjeve të reja dhe ngecjet në liberalizimin e vizave janë procese që po dëmtohen shumë nga propozimi për ndryshimin e kufijve. Për rrjedhojë, procesi i njohjeve ëshë reduktuar deri aty ku demantimet se ky apo ai shtet nuk e ka tërhequr njohjen po konsiderohet sukses i madh. Kurse për ngecjet në procesin e liberaliziimt të vizave po akuzohet se është Brukseli.

Megjithë këto efekteve të dëmshme, po vazhdohet me propozimin jo normal për ndryshimin e kufirit duke pretenduar normalizimin e marrëdhënjeve me Serbinë.

Ne do të vazhdojmë pa hezitim për ta ndalur këtë ide që po nxjerrë çdo proces nga binarët kushtetues dhe po dëmton çdo raport normal me aleatët tanë. Ne kemi përgjigje që ta bëjmë këtë. Zgjedhjet janë zgjidhje. Ne nuk do të ndalemi, përkundrazi.