Heqja e vizave pas 90 ditësh? Shpend Ahmeti – Arban Abrashit: Pse po rren palidhje?

Kryetari i Prishtinës, Shpend Ahmeti ia ka drejtuar një pyetje jo fort të zakonshme ministrit të Punës dhe Mirëqenies Sociale.

Ky i fundit sot gjatë ditës kishte deklaruar se nëse Demarkacioni miratohet, liberalizimi i vizave do të ndodhë brenda 90 ditëve.

Por një gjë të tillë e ka mohuar shefja e BE-së në Kosovë, Natalya Apostolova e cila tha se nuk ka një afat të caktuar kohor për liberalizim të vizave, transmeton lajmi.net

“S’ka afat të caktuar kohor, apo definitiv për liberalizimin e vizave, ne do t’ia propozojmë këshillit të shteteve anëtare, prandaj askush s’mundet të përcaktojë, cili është afati për liberalizimin e vizave. Natyrisht se anëtarët e këshillit mund të thonë jo, por e jona është që të përgatisim një rekomandim të mirë për Kosovën, pastaj është në duart e anëtarëve që të vendosin përfundimisht”, ka thënë ajo në Info Magazine.

E ndaj këtyre deklaratave mjaft i ashpër është parë Shpend Ahmeti. Ai në rrjetin social twitter ia ka drejtuar një pyetje direkte Arban Abrashit.

“Apostolova tha se pohimi se 90 ditë pas ratifikimit të demarkacionit liberalizohen vizat është spekulim.  Pse po rreni palidhje?”, ka shkruar Ahmeti në tëitter.

Demarkacioni sipas zyrtarëve të Qeverisë do të shkojë në Kuvend pas mocionit të iniciuar nga Nisma për Kosovën. /Lajmi.net/