Haxhi Shala ftohet nga Gjykata Speciale: Në Hagë do të shkojë si i dyshuar
Deputeti i Kuvendit të Kosovës dhe ish-komandanti i UÇK’së, Haxhi Shala, është ftuar sot nga Gjykata Speciale dhe në Hagë do të paraqitet me 8 shtator, shkruan Gazeta Metro.
Deputeti i AAK’së, Haxhi Shala, është i ftuari i radhës i Gjykatës Speciale.
Këtë e ka konfirmuar vet Shala përmes një statusi në Facebook ku ka thënë se është ftuar si i dyshuar dhe në Hagë do të paraqitet me 8 shtator.
”E rastësishme apo jo, në 22 vjetorin e ditës së dëshmorëve të Brigadës 121, kur po përkujtojmë përvjetorin e rënies së bashkëluftëtarit tim Ismet Jashari- Kumanova dhe dëshmorëve tjerë të rënë në luftën e pastër e të drejtë të UÇK-së, në komandanti i kësaj brigade, sot kam pranuar ftesen nga Gjykata Speciale në Hagë, si i dyshuar, ku do të duhet të jem i pranishëm atje me 8 Shtator të këtij viti”, ka shkruar Shala.
Përveç Shalës sot Gjykata Speciale ka ftuar edhe Ziadin Hoxha, ish-luftëtar i UÇK’së.
Më poshtë postimi i plotë i Haxhi Shalës.
https://www.facebook.com/photo.php?fbid=1494652490720854&set=a.261889063997209&type=3
