Haradinaj – Qeverisë Kurti: Një shtëpi budallë

Ramush Haradinaj – Lider i AAK-së e ka quajtur “shtëpi budallësh” qeverisjen e Albin Kurtit.

Haradinaj përmendi disa gabime të qeverisë, që sipas tij janë edhe investime kapitale.

“Qeverisja është në një trend të përkeqësimit të vazhdueshëm. Psh, me tregu se çka i ka ndodh ekonomisë tonë, duhet veç me u ndalë tek investimet kapitale.  Nga 704 milionë euro të destinuara për investime kapitale, janë realizu vetëm 79 milionë. Kjo tregon çka i ka ndodh Kosovës. Mbi 600 milionë pare nuk janë angazhu në ekonomikë. Parja e paangazhuar në ekonomi devalvohet për shkak të rritjes së çmimeve. Këto 600 milionë të devalvume zbresin në 400 milionë vlera e tyre, nëse s’kanë hy në punë me kohë, për shkak të rritjes së kostos.“, ka thënë fillimisht Haradinaj në Pressing.

Ai më tej, i ka cilësuar si gabime të rrezikshme që i kanë ndodhë ekonomisë së Kosovës.

“Nëse i shohim të gjitha këto çështje, gabime vërtet të rrezikshme që i ka ndodh ekonomisë tonë, skemi se si me u habit, kam thënë dikur që vërtet kemi të bëjmë me një shtëpi budallë, pra në VV, në Qeveri të cilët nuk e kuptojnë as përgjegjësinë e tyre, kjo është shkelje ligjore”, tha Haradinaj./Gazeta10