Haradinaj jep lajmin e keq për punëtorët e arsimit

Kryeministri i vendit, Ramush Haradinaj, ka deklaruar sot se për punëtorët e arsimit nuk mund të ketë rritje të pagave më të mëdha, oferta e bërë mbrëmë në takim me përfaqësuesit e SBASHK’ut është ajo e fundit, transmeton Gazeta Metro.

Haradinaj ka bërë thirrje që sindikata dhe këshilli grevist të ulen dhe ta kuptojnë se kjo është oferta e fundit dhe nuk mund Qeveria që të bëjë më shumë me rritjen e pagave në arsim.

Po ashtu kryeministri ka bërë thirrje që mësimi të filloj qysh nesër pasi fëmijëve po ju humbasin shumë ditë mësim për shkak të grevës që po vazhdon të mbahet, transmeton Gazeta Metro.

Krejt në fund ka thënë se ai ka dëshirë që rrogat të rriten akoma më shumë, por kjo është mundësia e vetme që kanë momentalisht Qeveria e Kosovës.

“Mirë është mu ulë me bisedu sindikata, këshilli grevist, të gjithë me kuptu se për çka bëhet fjalë se ndoshta s’kanë pas kohë me apsorbu mirë atë që ka ndodhë dje. Ai është një lajm i mirë mendojë se e meritojmë një falënderim prej të gjithë për marrjen me kujdes të kërkesave, pres që të fillojnë me mësim nesër para se të ju humbin fëmijëve shumë ditë mësim. Edhe ata duhet të dinë për përgjegjësinë që kanë. Ne kishim dashtë me u rrit sa ma shumë, po realitetet janë këto në vend nuk e kemi mundësinë më tutje”, u shpreh Haradinaj.

Përkundër rritjes së pagave nga kryeministri Haradinaj, SBASHK’u po vazhdon grevën në të gjithë Kosovën, kjo pasi kërkesat e tyre të plota nuk janë plotësuar akoma nga Qeveria.