Haradinaj: I kam numrat për Qeverinë, formohet javën e ardhshme

Ramush Haradinaj, i nominuar për kryeministër nga koalicioni PAN, shprehët i sigurt për formimin e qeverisë menjëherë pas certifikimit të zgjedhjeve. Ai thotë se janë siguruar deputetët nga partitë jashtë koalicionit, madje jo vetëm dy, por edhe më shumë.

Haradinaj në emisionin Komiteti ka thënë se mandati, ligjërisht, duhet t’i jepet atij për formimin e qeverisë, dhe për këtë ka siguruar edhe numrin e nevojshëm të deputetëve që i duhen.

PAN, së bashku me pakicat, kanë 59 deputetë, dy më pak se numri i nevojshëm për krijimin e qeverisë. Por, Haradinaj thotë se kjo nuk është pengesë për ta, pasi kanë siguruar edhe më shumë se dy deputetë, nga partitë shqiptare.