Hajni në Istog posedonte me vete granatë, revole dhe AK-47

“Gjatë ekzaminimit të vendit të ngjarjes, në afërsi është gjetur një granatë dore, një armë zjarri revole dhe një armë AK-47 me municion, të cilat i ka poseduar i dyshuari”, thuhet në komunikatën e policisë.

Për këtë ka folur edhe Prokurorja e rastit nga vrasja e dyfishtë në Istog, Sahide Gashi, ka dhënë një kronologji për ngjarjen që ndodhi, ku mbeti i vrarë polici Izet Demaj dhe grabitësi i bankës Kamer Metaj.

“Plaçkitësi i bankës NLB në Istog, ka hyrë në lokal me kallashnikov dhe i ka kërkuar paratë arkëtares. Aty më pas menjëherë është përgjigjur policia, i pari ishte polici Izet Demaj. Sipas dëshmitarëve, polici ka kërkuar që ai të dorëzohet. Ai i është përgjigjur policit me zjarr nga brenda në bankë. I është përgjigjur njëjtë edhe polici, por grabitësi ka vazhduar të shtie me armë drejt polici. Më pas kanë ardhur përforcime, të cilët kanë kërkuar nga grabitësi të dorëzohet, ai ka dalë me një peng jashtë banke e më pas ka tentuar të ikë. Ka shtënë vazhdimisht në drejtime të ndryshme me armë, policia ka shtënë dhe aty ai është rrëzuar në tokë, ku më pas edhe ka vdekur”, tha Gashi../gazetametro.net