Hahn: Heqja e taksës është ‘çështje ditësh’

Bashkimi Europian pret përgjigjen për taksën ‘këto ditë’, transmeton Gazeta Metro.

Komisioneri Europian për Zgjerim dhe fqnijësi, Johannes Hahn ka thënë se përgjigja e Kosovës, pas kërkesës së BE’së për heqjen e taksës është ‘çështje ditësh’.

Kjo përgjigje, Hahn thotë se do jetë pozitive.

Këto deklarata, Komsionieri Hahn i ka bërë para gazetarëve në ndërtesën e BE’së, në Bruksel.

Ndërkohë, në takimin e parë që u mbajt në Bruksel për çështjen e dialogut mes ekipit negociator dhe Përfaqësueses së Lartë të BE’së, Frederica Mogherinit, një nga kërkesat për zhvillimin e dialogut, ishte heqja e taksës ndaj produkteve serbe.

Por, ky presion i BE’së nuk po ndodh vetëm tani, pasi që nga dita e parë kur Qeveria mori vendim për taksën 100 %, u kërkua nga zyrtarë të BE’së anulimi i mënjëhershëm i saj.