Gjykata Supreme e detyron KQZ-në për certifkim të Zafir Berishës! (Dokument)

Gjykata Supreme e Kosovës ka mirtuar ankesën e kandidatit për kryetar të Komunës së Prizrënit nga radhët e Nisma për Kosovën, Zafir Berisha kundër vendimit të Panelit Zgjedhor për Ankesa dhe Parashtresa për decertifikimin e tij nga gara zgjedhore.

Me këtë aktgjykim, Gjykata Supreme ka anuluar vendimin e PZAP-së dhe Komisionit Qendror të Zgjedhjeve për decertifikimin e Berishës dhe ka obliguar KQZ-në që bëjë sërsh certifikimin e tij si kandidat për kryetar të Prizrenit në zgjedhjet lookale të datës 22 tetor.

“Gazeta Blic” ka kontaktuar edhe me vet kandidatin Berisha, i cili i tha portalit se është pranë KQZ-së ku do të bëjë dorëzimin e këtij vendimi gjyqësor.

“Po, gjykata ka vendosur në favor timin dhe tani jam rrugës për në KQZ për të dorëzuar vendimin e Gjykatës Supreme lidhur me decertifikimin tim, që është një e padrejtë që është bërë ndaj meje”, ka thënë ai.

Vendim të KQZ-së për decertifikimin e tij, Berisha e kishte quajtur nën ndikim të politikës.

Më poshtë mund të shihni vendimin e supremes ndaj rastit të kandidatit Berisha, vendim të cilin e ka siguruar “Gazeta Blic”