Gjermania kundër renovimit të shtëpisë së Xhafer Devës

Ambasadori gjerman në Kosovë, Jorn Rohde, ka dalë kundër rinovimit të shtëpisë së Xhaver Devës në Mitrovicë.

Përmes një reagimi në rrjetet sociale, ambasadori gjerman është shprehur i shqetësuar për planifikimin e restaurimit të shtëpsë së Devës, të cilin e quan bashkëpunëtor të nazistëve.

“Shumë të shqetësuar rreth planeve për ta restauruar shtëpinë e Xhafer Devës, një bashkëpunëtor/protagonist i njohur i divizionit famkeq SS Skendërbeg. Asnjë histori nuk lahet. Mos e shtrembëroni të vërteteten për Holokaustin dhe krimet e luftës të kryera nga Nazistës dhe bashkëpunëtorët lokalë të tyre. Të mbrohen faktet“, ka shkruar Rohde.

LEXO EDHE:

Xhafer Deva me Kosta Peçancin në Podujevë në vitin 1941 | PAMJE

Kultura e memories dhe ruajtjes së trashëgimisë kulturore duhet të shihet si mundësi për t’u përballur me të kaluarën, në një mënyrë të hapur dhe të drejtë. Ambasada gjermane është e gatshme të mbështes çfarëdo nisme të arsyeshme në kulturën e memories në Kosovë”, ka shkruar ambasadori.

Ndryshe, Qeveria ka planifikuar qindra mijëra euro për këtë projekt, i cili pritet të nis së shpejti.