Gjermani: Dhjetëra njerëz mbesin në ajër pasi bllokohet teleferiku

Dhjetëra njerëz mbetën pezull në mes të ajrit, pasi një teleferik goditi një shtyllë mbështetëse dhe u ndal mbi lumin Rhine në Gjermani.

Ekipet e zjarrfikësve dhe ekipet e shpëtimit përdorën një vinç për të arritur 75 pasagjerët e bllokuar, disa prej të cilëve thuhet se kanë qenë në lartësi 40 metra.

Nuk u raportua për asnjë lëndim, transmeton Klan Kosova.

Incidenti thuhet se ka qenë rezultat i një prej kabinave që ka prerë një pjesë të strukturës së mbështetjes, duke e çuar të gjithë sistemin e transportit kabllor në një gjendje bllokimi.

Në fotografitë e mëposhtme shihet se si fëmijët zbriten në tokë.