Gjashtë kandidatë garojnë për të parin e Podujevës

Kandidaturat për të parin e Podujevës i kanë shpallur gjashtë kandidatë, njofton PodujevaPRESS.net

Lëvizja Vetëvendosje do ti hyjë garës me kryetarin aktual të komunës Shpejtim Bulliqin, kurse Lidhja Demokratike e Kosovës në këto zgjedhje do të kandidojë me Ekrem Hysenin.

Ndërsa në minutat e fundit Partia Demokratike e Kosovës ka vendosur ti hyjë garës me deputeten Floretë Zejnullahu.

Aleanca për Ardhmërinë e Kosovës ka muaj që ka vendosur që garojë me deputetin Besnik Tahiri.

E për të parin e Podujevës do të garojë edhe kryetari i Nismas në Podujevë, Xhemajl Hasani.

Poashtu në këto zgjedhje garës I ka hy edhe kryetari i Ballit Kombëtar Demokrat, Gazmend Islami.

Dje në ora 16 ka përfunduar afati i dorëzimit të listave për kryetar dhe asamble komunale në KQZ.