Gecaj: Shpresoj që bashkëpartiakët e mi të mos bien preh e lojërave të opozitës

Bajram Gecaj, këshilltar i kryeministrit Isa Mustafa ka vazhduar të kritikojë partitë opozitare lidhur më qëndrimin e tyre për Demarkacionin me Malin e Zi.

Ai duke i reaguar një deklarate të deputetes së VV-së, Donika Kadaj –Bujupi, që sipas tij, Kadaj-Bujupi ka thënë se “Në momentin që e sjellin demarkacionin, ata bëjnë kompromise me Listën Serbe dhe në këtë formë e sjellin edhe Serbinë në Kosovë”, ka akuzuar partitë opozitare se kanë qenë ato që kanë keqpërdorë ndjenjat nacionale.

Gecaj në një postim në facebook ka thënë se shpreson që deputetët  e LDK-së të mos bien pre e këtyre lojërave.

“Arma e vetme e opozitës që nga fillimi i këtij mandati ka qenë keqpërdorimi flagrant i ndjenjave nacionale, dhe atë në mënyrën më primitive dhe më të pasinqertë të mundshme. Të shpresojmë dhe besojmë se deputetët e pozitës, posaçërisht bashkëpartiakët e mi, nuk do të bijën pre e këtyre lojërave sa të ndyra aq edhe të pandershme”, ka shkruar Gecaj./ Lajmi.net/