Rifat Jashari, Xhelal Sveçlës në pranit të Albin Kurtit: “Sa herë kom
Gani Geci tregon në Apel se pse e vrau Ruzhdi Shaqirin
Gjykata e Apelit është duke e shqyrtuar sot rastin e vrasjes së Ruzhdi Shaqirit, për të cilin akuzohet Gani Geci.
Në seancën e sotme që po zhvillohet në Gjykatën e Apelit, gjyqtarja referuese Mejreme Mema e lexoi në pika të shkurtra lëndën e këtij rasti të vrasjes.
Sipas gjyqtares Mema, e dëmtuara Halime Shaqiri ka kërkuar dënim maksimal për Gecin.
“Dënimi nuk duhet të jetë aq i butë, por të jetë në maksimum, pasi ka vrarë një person që është kryefamiljar”, ka thënë Shaqiri.
Sokol Dobruna, avokati i Shaqirit ka kundërshtuar kërkesën e të akuzuarit për ulje dënimi.
“E vetmja rrethanë lehtësuese mbetet pranimi i fajit”, ka thënë Dobruna.
Ndërsa, Gani Geci në ankesën e tij pretendon për vërtetim të gabuar të gjendjes faktike gjatë dënimit të tij nga themelorja.
“Kjo ankesë është mjaft voluminoze”, tha gjyqtarja Mema për ankesën e Gecit.
“Nuk kemi të bëjmë me vrasje, por kemi të bëjmë me mbrojtje të nevojshme”, ka thënë Geci në ankesë.
Ruzhdi Shaqiri ishte vrarë më 4 gusht 2014 në kafenenë “N’Qosh” në Skenderaj.
Më 3 qershor të vitit të kaluar Gani Geci ishte dënuar për këtë vrasje me 4 vjet e gjashtë muaj burg.
Pastaj ndaj këtij vendimi të gjykatës janë ankuar në Apel, Prokuroria e EULEX-it, pala e dëmtuar dhe përfaqësuesi i saj ligjor, e gjithashtu edhe Ndrecë Dodaj avokati i Gani Gecit dhe vetë Gani Geci.
Pas vrasjes së Ruzhdi Shaqirit, Gani Geci për më shumë se dy javë konsiderohej i arratisur, ndërsa më 22 gusht iu dorëzua EULEX-it – Misionit Evropian për Sundim të Ligjit.
/Gazeta Express/
