FSK refuzon paratë që Qeveria ndau për ushtarët, kërkon të përdoren për tjera gjëra

Situata në Kosovë përballë pandemisë COVID-19 po vazhdon të shënoj rritje në Kosovë, deri tani 423 raste janë shënuar në vend dhe 10 persona kanë vdekur nga koronavirusi, shkruan Gazeta Metro.

Qeveria Kurti ka lansuar një Pako Emergjente Fiskale ku ka paraparë që edhe pjesëtarët e FSK’së t’i marrin nga 300 euro pagë shtesë në ofrimin e ndihmës përballjes së koronavirusit.

Por, jo gjithçka po shkon siç duhet pasi Komandati i Forcës së Sigurisë së Kosovës, Rrahman Rama ka kërkuar nga Ministri i Mbrojtjes dhe Qeveria në detyrë, që mjetet financiare shtesë për pjesëtarët e FSK’së, t’i dedikojnë dhe adresojnë për nevoja të tjera.

Lajmin e ka bërë të ditur Ministria e Mbrotjes përmes një postimi në faqen zyrtare.

“FSK si gjithmonë është e përkushtuar dhe e vendosur për të ndihmuar qytetarët dhe institucionet e Kosovës, andaj duke vlerësuar shërbimin vetëmohues dhe mbështetjen që duhet ti japim vendit dhe qytetarëve në këtë kohë të krizës me pandemi globale kam kërkuar nga Ministri i Mbrojtjes dhe Qeveria në Detyrë që mjetet financiare shtesë të ndara për pjesëtarët e FSK-së t`i dedikojnë dhe adresojnë për nevoja tjera”, thuhet në njoftim.

https://www.facebook.com/OfficialMFSRKS/posts/2874384672642833