Fotografitë emocionuese nga varrimi i policit Izet Demaj

Me nderime të larta shtetërore, sot është varrosur polici i cili vdiq në detyrë në Istog, Izet Demaj.

Polici Izet Demaj, përveç polic i Kosovës, gjatë kohës së luftës ka qenë edhe ushtar i UÇK’së. E prej shumë betejave, ai ka marrë pjesë edhe në njërën prej betejave më të lavdishme të Ushtrisë Çlirimtare; atë të Koshares, shkruan gazetametro

Dhe pikërisht Kosharja është vendi ku sot u varros polici Demaj. Ai u varros në varrezat e dëshmorëve të këtij vendi. Prezentë në ceremoninë e varrimit ishin edhe përfaqësues të shtetit, duke përfshirë kryeministrin Ramush Haradinaj.

Ndryshe, polici Izet Demaj u vra para pak ditëve teksa ishte në detyrë si polic. Ai u ballafaqua me plaçitësit me armë të një banke në Istog. Gjatë ballafaqimit, ku mbeti i vdekur edhe plaçkitësi Kamer Metaj, polici Demaj mbeti i plagosur, ku fatkeqësisht humbi jetën gjatë rrugës për në spital, pasi nuk arriti t’u mbijetojë plagëve. /