Forma e re e testimit përmes gjakut që detekton koronavirusin brenda pak minutash

Studiuesit e një universiteti australian kanë gjetur një metodë të re të testimit për koronavirusin duke përdorur mostrat e gjakut.

Kjo metodë mund ta detektojë virusin brenda vetëm 20 minutash.

Kandidatë të doktoraturës me specializime të ndryshme shkencore në Universitetin Monash të Melburnit kanë punuar së bashku për zhvillimin e teknologjisë së re të testimit për COVID-19, raporton AP.

Të premten, shteti Victoria i Australisë ka raportuar një rekord të ri prej 428 rastesh dhe tri vdekjesh, shumica në Melbourne, i cili është mbyllur sërish që nga java e kaluar.