FMN kundër tërheqjes së 10 për qindëshit nga Trusti

Idesë së qeverisë së Kosovës për tërheqjen e parave nga Trusti i Kursimeve pensionale i ka dal kundër Fondi Monetar Ndërkombëtarë.

Shef i misionit të FMN-së në Kosovë, Gabriel Di Bela ka deklaruar se tërheqja e propozuar e 10 për qindëshit të kontributeve pensionale do të sjell telashe të mëdha në ekonominë e vendit.

Madje sipas tij probleme të mëdha ky veprim do të sjell edhe për vet kontribuuesit.

“Tërheqja e propozuar prej 10 për qind e kontributeve pensionale e minon shtyllën e dytë dhe zvogëlon pensionet e ardhshme”, ka deklaruar Gabriel Di Bela me rastin e përfundimit të vizitës së misionit të ekipit të Fondit Monetar Ndërkombëtarë në Kosovë.

Qeveria e Kosovës ka propozuar tërheqjen e 10 për qind të kontributeve pensionale si ndihmë për tejkalimin e krizës financiare.

Por miratimi i ligjit për rimëkëmbje ekonomike është duke dështuar të votohet tash e gjashtë herë në Kuvendin e Kosovës.