Flet Kadri Veseli: Çështja e demarkacionit mbyllet më së voni të mërkurën!

Kryeparlamentari Kadri Veseli, është shprehur optimist se çështjes së demarkacionit të kufirit ndërmjet Kosovës dhe Malit të Zi, do t’i japin epilog brenda një kohe të shkurtër.

Një gjë të tillë, Veseli e ka bërë të ditur para media pas shtyerjes së seancës së jashtëzakonshme për demarkaion, për ditën e nesërme.

“E vërteta është kjo, qytetarët e Kosovës duhet dhe do të lëvizin lirshëm brenda këtij viti. E vërteta është se jemi në rrugë të mirë, që të arrihet konsensuesi për mbajtjen e seancës për ratifikimin e marrëveshjes për demarkacion me Malin e Zi”, tha Veseli.

Kryetari i Kuvendit, ka kërkaur konsesus ndërmejt subjekteve politike shqiptare, pozitë-opozitë, në atë mënyrë që të tregohen unik me votë karshi demarkacionit.

“Ajo që është kryesore, është kjo që duam deri të mërkurën që çështja e demarkacionit të përfundojë deri të mërkurën. Nuk ka patriotizëm më të madh, se sa sot nesër apo pasnesër kur do që e kemi seancën e jashtëzakonshme se sa të kemi konsesus të plotë për të votuar marrëveshjen për demarkacion. Të gjithë jemi patriotë, të gjithë e duam Kosovën, por njerëzitu duan të lëvizin lirshëm”, u shpreh ai.

Tutje, Veseli ka theksuar gjatë takimit të zhvilluar sot me shefat e Grupeve Parlamentare përpjekja e tij ka qenë që deputetët shqiptarë të Kuvendit të Kosovës të tregohen unik në votim.

Ai ka komentuar edhe deklarimin e Listës Serbe, se nuk do të votojë “pro” ratifkimit të marrëveshjes për demarkacion, duke thënë se “ne sot po flasim që të jemi të bashkuar pozitë dhe opozitë karshi demarkacionit. T’i kryjmë njëherë detyrat tona, pozitë-opozita pastaj do të kemi përgjigje pozitive edhe nga ana e tyre”.

Seanca e shtyrë për nesër do të mbahet nga ora 10:00.

Për ratifikimin e demarkacionit nevojiten 80 vota. /Gazeta Blic.