Flakron Gashi: Përsëri Agim Veliu i harron dëshmorët në Ditën e Çlirimit të Podujevës

Zëdhënësi i PDK-së në Podujevë, njëherit asambleist në kuvendin komunal, Flakron Gashi, ka reaguar me rastin e 19 Qershorit, Ditës së Çlirimit të Podujevës, njofton PodujevaPRESS.

Ai ka thënë se është mëkat që në ditën e çlirimit të harrosh figurat të cilat glorifikojnë vetë lirinë.

Ky është reagimi i plotë

 19 Qershori, dita çlirimit të Podujevës

Podujevë, komuna ime, mirë është t’i respektosh komunitetet në ditën tënde të çlirimit si qytetarë të barabartë, por të harrosh figurat emblematike të cilat glorifikojnë vetë lirinë, është MËKAT.

Nesër, komuna e Podujevës, në orën 21:00 paska organizuar koncert në sheshin “Zahir Pajaziti”, ku në fakt shtatorja e tij mungon, madje as kështu ky “shesh” nuk quhet.

Ndoshta kishte qenë mirë të mbahet në sheshin “Ali Ajeti”, por jemi në dijeni të gjithë se në çfarë gjendje është katandisur.

Ndoshta, nesër, së bashku me Forumin Rinor të Ashkalive, mirë do të ishte, t’i kishim prezent ndonjërin nga fëmijët e 108 Dëshmorëv të UÇK-së, të luftës 1998-1999.

Vlerat e lirisë, gjakun e dëshmorëve, lotët e bashkëshorteve, nënave dhe fëmijëve të tyre askush më ballëhapur dhe më me nderë, nesër nuk do t’i përfaqësoj, ASKUSH!

Graçanica dhe Mitrovica e Veriut janë mbushur me shtatore të “heronjëve” të tyre, mëkatar!

Urime Agim Veliu dhe Ju komunitete ,19 Qershori, dita e çlirimit të komunës suaj!