FJALA s’i futet garës në Podujevë, kandidati ka probleme me shpatull

Ndonëse Lëvizja Vetëvendosje, Lidhja Demokratike e Kosovës dhe Partia Demokratike e Kosovës kanë zyrtarizuar kandidatët e tyre për zgjedhjet komunale në Podujevë, partia FJALA nuk ka kandiduar këtë herë, shkruan Gazeta Metro.

Kandidati për kryetar të Podujevës nga Partia Fjala, Xhevdet Maloku është tërhequr nga gara në momentet e fundit.

Kjo tërheqje e tij vjen pas një problemi në shpatull është dhënë si arsye që Fjala mos të futet në zgjedhjet e jashtëzakonshme në Podujevë.

“Të nderuar qytetarë të Podujevës, me lejoni që të konfirmoj mos pjesëmarrjen time si kandidat për të parin e Podujevës në zgjedhjet e 15 marsit.

Ky vendim erdhi si rezultat i gjendjes shëndetësore konkretisht një frakture në shpatullën e majtë, lendim ky nga data 28.01.2020.

Vullneti dhe dëshira ishin të mëdha prandaj pritëm deri në momentin e fundit sesi po ecën gjendja e shpatullës por pas rekomandimit të ortopedit atëherë morëm vendimin që në këto zgjedhje të mos përfshihemi në garë.

Ne FJALA dega në Podujevë u bëjmë thirrje qytetarëve që të vendosin për ndryshim dhe jo për keqqeverisje tjera të LDK-së.

Të gjithë kandidatëve pjesëmarrës u dëshirojmë suksese dhe punë të ndërshme e në të mirën e qytetarëve” ka thënë Xhevdet Maloku në njoftim./