Fillon renovimi i objekteve banesore në qytetin e Podujevës

Fillon fasadimi i objektit banesorë I cili ndodhet përball QKMF-së në Podujevë, kështu ka bërë të ditur kryetari i Komunës së Podujevës, Shpejtim Bulliqi, transmeton PodujevaPRSS.net

Ai ka shkruar:

Sot, pashë nga afër fillimin e punimeve për renovimin e objekteve banesore në qytet.

Kemi filluar me ndërtesën përballë QKMF-së, objekt me kushte të rënda e i paprekur ndonjëherë nga dora e shtetit. Ky objekt do të fasadohet dhe do të bëhen edhe intervenime të tjera të nevojshme.

Në kuadër të projektit për meremetim të objekteve banesore do të trajtohen edhe objekte tjera, ndërsa në to do të intervenohet në rregullimin e pullazeve të vjetruara, fasadim, izolim, rregullim të ndriçimit nëpër hyrje dhe koridore si dhe sipas nevojës ndërrimin e dritareve ndriçuese.