Fillojnë punimet në rikonstruktimin e tërësishëm të rrugës “Skënderbeu” në Podujevë

Sot filluan punimet në rikonstruktimin e tërësishëm të rrugës “Skënderbeu”, kjo rrugë do të ndërtohet sipas të gjitha standardeve infrastrukturore me kanalizim, ujësjellës, ndriçim, trotuar, gjelbërim, shtigje të biçikletave etj, ka njoftuar kryetari i Podujevës, Shpejtim Bulliqi, transmeton PodujevaPress.net

Bulliqi ka thënë se vlera e projektit është mbi 1.3 milionë euro dhe punimet pritet të zgjasin rreth 200 ditë.

Po ashtu ai ka shtuar se “duke e ditur qarkullimin e madh të qytetarëve në këtë rrugë, me kompaninë punëkryese jemi dakorduar që të punohet pjesë pjesë dhe të mos pengohet qarkullimi në të gjithë rrugën, ndërsa nga qytetarët tanë kërkojmë mirëkuptim”, ka thënë Bulliqi.