Filloi ndërtimi i fushave sportive në Lupç të Poshtëm

Sot u vendos gurthemeli i fillimit të realizimit të projektit për ndërtimin e fushave sportive në fshatin Lupç i Poshtëm, transmeton PodujevaPRESS.net

Nëpërmes një njoftimi për media thuhet se nënkryetari i Komunës së Podujevës, Nexhmi Rudari, bashkë me drejtoreshën e Drejtorisë për Kulturë, Rini dhe Sport, Donikë Sfishta, në një ceremoni ku ishin edhe bashkëpunëtorë të tjerë dhe banorët e fshatit Lupç të Poshtëm, vendosën gurthemelin e fillimit të realizimit të projektit për ndërtimin e fushave sportive në këtë fshat.

Rudari ka thënë se Komuna do të investojë në projekte të tilla me qëllim që të krijohen kushte për zhvillimin e aktiviteteve sportive nga të rinjtë.

Sipas tij fusha sportive do të ndërtohen edhe në Siboc, Gllamnik, Surkish dhe Bajçinë.