Ngjarja e rëndë kë ndodhur paraditen e sotme, më konkretisht rreth orës 10.15.

Të afërmit kanë dërguar në urgjencën e spitalit të Peshkopisë, një fëmijë 6- vjeçar, i cili është konstatuar nga mjekët se nuk kishte shenja jete,

Menjëherë është ngritur grupi hetimor duke shkuar në ambientet e spitalit, ku ka rezultuar se nga këqyrja paraprake e trupit të djalit të vogël, e kryer nga eksperti mjeko-ligjor janë konstatuar dëmtime fizike në kokë.

Nga veprimet e para hetimore rezulton se fëmija A.S., 6 vjeç banues në lagjen “Sule”, njësia administrative Fushë-Çidhën, Dibër, kishte shkuar tek shtëpia e dajës së vet në fshatin Blliçe-Dibër.

Teksa ka qenë duke luajtur në oborr me portën e hekurit me shina, porta është shembur duke e goditur në kokë fëmijën -6 vjeçar.

Si pasojë e goditjes fëmija ka humbur jetën. Paraprakisht dyshohet se ngjarja është aksidentale, ndërkohë grupi hetimor vijon veprimet për zbardhjen e plotë të rrethanave të gjithë sa ka ndodhur. /noa.al/