Vdes mamia llapjane Sanije Topanica, iu ndihmoi grave në lindje gjatë luftës
Enver Sekiraqa sot në gjyq
Në Gjykatën e Prishtinës sot pritet të vazhdojë shqyrtimi gjyqësor në gjykimin ndaj Enver Sekiraqës, i cili akuzohet për nxitjen e vrasjes së policit të Kosovës, Triumf Riza.
Ky rast ka filluar rishtazi pasi që Gjykata e Apelit e ka kthyer në rigjykim rastin ku Enver Sekiraqa akuzohet për nxitjen e vrasjes së pjesëtarit të Njësisë Speciale të Policisë, Triumf Rizës.
Gjatë seancës së kaluar në rifillimin e gjykimit, Sekiraqa ka deklaruar se do të mbetet në heshtje në pyetjet e prokurorit dhe trupit gjykues.
“Asnjë përgjigje, as prokurorit e as trupit gjykues nuk u përgjigjem”, ka thënë Sekiraqa.
Sekiraqa ishte dënuar në vitin 2016 me 27 vjet burg në lidhje me nxitjen e vrasjes së policit Triumf Riza, mirëpo Gjykata e Apelit e gjeti të mbështetur ankesën e mbrojtjes dhe e ktheu në rigjykim çështjen. /kallxo.com
