Ekskluzive: Tefik Bajrami flet pasi shpallet kampion i botës, tregon se kur mund të ndeshet përsëri

Boksieri i njohur shqiptar, Tefik Bajrami ka fituar mbrëmë titullin e botës, WBU (World Boxing Union).

40 vjeçari nga Podujeva ka këtë titull pas fitores ndaj turkut, Ozcan Cetinkaya, shkruan GazetaBlic

Turku Ozcan Centikaya ishte lodhur pas goditjeve të shumta që pësoi nga Bajrami dhe në raundin e pestë nuk mundi të vazhdojë më meçin.

Pas përfundimit të meçit, Bajrami ka folur për ‘GazetaBlic’, ku u shpreh shumë i lumtur për triumfin.

“Jam në kohën më të mirë dhe çdo herë po ngritem më lartë, si nga përmirësimi në boks, poashtu edhe në ranglistën botërore. Isha në top formë dhe lufta kaloi sipas parashikimeve të mia. Unë kisha për kundërshtarë ganezin dhe kampionin afrikan, Abraham Tabul, por fatkeqësisht ambasada zvicerane nuk e ka pajisur me vizë me frikën se nuk do të kthehet prap në Gana”, tha fillimisht Tefik Bajrami për ‘GazetaBlic’.

“Duelin e ardhshëm do të shikoj se kur do ta zhvillojë, mirëpo kam oferta të shumta. Nje deshirë tjetër ështv të zhvilloj një ndeshje humanitare në Podujevë me 14 korrik për femijet me autizem”, përfundoi Bajrami./GazetaBlic/L.J