Ekskluzive: Prokuroria e Shtetit e konfirmon se ndaj zyrtarëve komunal në Podujevë, po zhvillohen një sërë veprimesh hetimore

Akuza të shumëta për keqpërdorime janë bërë ndaj zyrarëve komunal të Podujevës nga Lidhja Demokratike e Kosovës dega në Podujevë, për çka nga ky subjekt politikë kanë deklaruar se kanë bërë disa kallëzime penale në Prokurorin e Shtetit, njofton PodujevaPRESS.net.

E këto dyshime se në Komunën e Podujevës ka keqmenaxhim të financave publike, e që në fakt përbën vepër penale, ka bërë që të aktivizohet Prokuroria Themelore e Prishtinës, të paktën kështu i ka thënë PodujevaPRESS-it Laureta Ulaj zyrtare për informim në Prokurorin Themelore të Prishtinës.

PodujevaPRESS ka dërguar pyetje në Prokurorin e Shtetit lidhur me pretendimet që Lidhja Demokratike e Kosovës dega në Podujevë ka bërë ndaj zyrtarëve komunal ku siç kanë thënë në LDK, ata kanë bërë kallëzim penal ndaj këtyre zyrtarëve që lidhet me keqpërdorim të pozitës zyrtare dhe keqpërdorim të financave publike.

Po ashtu PodujevaPRESS është interesuar se deri ka ka shkuar çështja e raportit të Zyrës Kombëtare të Auditimit të cilët ka bërë raport të kualifikuar për Komunën e Podujevës e që në fakt tregon se ka keqmenaxhim të parasë publike në këtë komunë.

Pyetjet tona në adresë të prokurorisë se deri ku kanë shkuar hetimet ndaj këtyre rasteve, nga Prokuroria Themelore e Prishtinës kanë thënë për PodujevaPRESS-it se: “Referuar përgjigjes tonë të dhënë më 18.07.2023, lidhur me kallëzimin penal të parashtruar nga subjekti politik-LDK, ndaj zyrtarëve komunal të Podujevës, ju njoftojmë se ndaj kësaj çështjeje janë ndërmarrë një sërë veprimesh hetimore dhe se ende po vazhdojnë të zhvillohen”.