EKSKLUZIVE: Kjo është e vërteta e devijimit të projektit të rrugës Podujevë-Prishtinë  dhe rrethrrotullimit tek Besiana (FOTO)

Prolongimi dhe stërgjatja e punimeve për zgjerimin e magjistrales Podujevë-Prishtinë sot është diskutuar në senacën e jashtëzakonshme të mbajtur në Kuvendin Komunal të Podujevës me akuza e kundër akuza të shumta mes subjekteve politike, njofton PodujevaPRESS.com

Por ajo që është me rendësi është realizuar, interesi qytetar dhe zberthimi i misterit se a është devijuar projekti në fjalë.

Dje, ministri Pal Lekaj publikisht para medieve ka thënë se projekti në fjalë është devijuar në kohën e Qeverisë Mustafa, v.2015, ndërsa asaj kohe ministrinë e drejtonte z. Lutfi Zharku, zyrtar i lartë i LDK-së.

Lexo po ashtu: Hamdi Jaha, dje është marr vendim që rruga do të zgjerohet edhe për 5 metra

Sot ka arritur projekti në fjalë të cilin e disponon redaksia e PodujevaPRESS, ku shihet qartë se ishin bërë ndërhyrje te rrethrrotullimi kryesor afër hotel Besianës, në segmentin apo anën e djath të kyqjes nga rruga Zahir Pajaziti në drejtim të Prishtinës.

Siç shihet në foto, është tentuar që projekti te realizohet vetëm deri te pjesa e hijëzuar me vijë të kuqe, duke shmangur realizimin e tërsishëm ku parashihej edhe largimi  i pompës së vjetër të derivative e cila gjendet në cep të qasjes së rrugës.

Ndersa tani, do të realizohet si tansi projekti edhe aty ku shihet pjesa e hijëzuar me vijë të kaltër.

Në vazhdim portal PodujevaPRESS do të ju njoftojë edhe për zhvillimet dhe devijimet tjera eventuale te këtij segmenti rrugor./PodujevaPRESS.com/