Ekrem Hyseni viziton Bashkësinë Islame të Podujevës: “Çdo kërkesë e tyre do të trajtohet me prioritet”

Kandidati i Lidhjes Demokratike të Kosovës (LDK) për kryetar të Podujevës, dr. Ekrem Hyseni, gjatë ditës së sotme ka vizituar Bashkësinë Islame të Podujevës, ku u prit nga kryetari i Këshillit Mensur Hoti, Kryeimami Bekim Jashari, si dhe nga Besim Gashi, Isuf Kastrati dhe Berat Avdiu.

Hyseni vlerësoi lart rolin e Bashkësisë Islame në Podujevë në të gjitha proceset shoqërore e kombëtare, duke theksuar se kontributi i saj ka qenë i një rëndësie të veçantë edhe sot.

“Shoqëria jonë është veçuar e vlerësuar për tolerancën ndërfetare dhe mirëkuptimin. E bëra të qartë se çdo kërkesë e tyre do të trajtohet me prioritet dhe do ta kenë mbështetjen time të plotë,” deklaroi Hyseni.

Ai shtoi se respektimi i traditës dhe vlerave tona është themel i zhvillimit të së sotmes dhe i ndërtimit të së ardhmes.