Ekrem Hyseni: Fundi i së keqes, i arrogancës dhe mashtrimit do jetë me 12 tetor

Kandidati për Kryetar të Podujevës nga LDK-ja, Ekrem Hyseni është takuar me disa nga banorët e rrugës “Skënderbeu”, me të cilët ka diskutuar për planin qeverisës të LDK-së në katër vitet e ardhshme, i cili sipas tij, trajton në detaje nevojat dhe kërkesat e qytetarëve tanë.

“Po ashtu, diskutuam edhe për keqpërdorimet e mëdha që janë bërë në Podujevë në përgjithësi, në veçanti me rrugën “Skënderbeu”, nga ky pushtet në ikje”, ka shkruar Hyseni. 

Ai tutje ka thënë se qytetarët tanë nuk meritojnë këtë keqqeverisje, prandaj më 12 tetor duhet t’i japin ndëshkimin atyre që ndajnë e përçajnë qytetarët mbi përcaktimin politik. 

“Fundi i së keqes, i arrogancës dhe mashtrimit do jetë me 12 tetor!”, ka thënë Hyseni.