Edhe një viktimë tjetër nga koronavirusi në Kosovë!

Është shënuar viktima e radhës nga koronavirusi në Kosovë.

Lajmin e ka bërë të ditur kryetari i Gjilanit, Lutfi Haziri.

Ai thotë se për këto 111 ditë, prej 170 rasteve që kanë rezultuar pozitiv në testin me Covid-19, 109 janë shëruar plotësisht, 58 raste janë ende në vetizolim dhe fatkeqësisht 4 qytetarë kanë humbur jetën.

Njoftimi i plotë:

Komuna Gjilanit sot në ditën e 111 të ballafaqimit me pandeminë globale Covid-19, ka marrë lajmin e hidhur nga Klinika Infektive në Prishtinë dhe nga familja, se ka ndërruar jetë qytetari ynë Isuf Murati, i lindur në vitin 1956.

Fatkeqësisht në përballjen me pandeminë globale, sot kemi humbur qytetarin e katërt Isufin. I shpreh ngushëllime familjes dhe garantoj se do të jemi pranë tyre në këto ditë të vështira, sepse nuk e kanë lehtë ballafaqimin me këtë ndarje nga më i dashuri i tyre. Ceremonia e varrimit është e organizuar nga Komuna e Gjilanit dhe familja në kushte pandemie.

Për këto 111 ditë, prej 170 rasteve që kanë rezultuar pozitiv në testin me Covid-19, 109 janë shëruar plotësisht, 58 raste janë ende në vetizolim dhe fatkeqësisht 4 qytetarë kanë humbur jetën.

Shëndeti i qytetarit dhe shëndeti i ekonomisë është puna jonë!

LH