Edhe një informacion me rëndësi rreth ndarjes së VV-së!

Deputeti i Vetëvendosjes, Ali Lajçi në një deklaratë të dhënë për “Gazeta Blic”, ka hedhur poshtë disa lajme, ku thuhej se edhe Lajçi do të largohet nga ky subjekt politik dhe së bashku me të dorëhequrit e VV-së do ta formojnë një parti të re.

Lajçi tha se nuk ka asgjë të vërtetë në këto lajme.

“Nuk është e vërtetë, unë madje nuk kam dhënë as dorëheqje nga VV”, tha Lajçi për “Gazeta Blic”.

Ai tutje ka thënë se nuk duhet të ndodhin këso manipulimesh.

Ndërkaq, “Gazeta Blic” ka kontaktuar edhe me një nga të dorëhequrit e kësaj partie, Dukagjin Goranin.

Mirëpo ai ka refuzuar të flasë rreth asaj se a janë a po nuk janë duke krijuar një parti të re.

“Nuk kam koment”, është përgjigjur Gorani.

Problemet e brendshme në VV, tash e një kohë kanë dalë në sipërfaqe.

Tashmë në këtë parti janë krijuar dy grupe, ata që mbështesin Dardan Molliqajn, dhe ata të Albin Kurtit.

Si pasojë e problemeve në VV, kanë dhënë dorëheqje disa nga figurat kyçe të kësaj partie. Kështu duke filluar nga Dardan Molliqaj, Aida Dërguti, Dukagjin Gorani, Visar Ymeri, Faton Topalli, Driton Çaushi, Dadan Sejdiu etj.

Theksojmë që Albin Kurti është zgjedhur lideri i partisë, në zgjedhjet që u mbajtën me 21 janar. Kurtin e votuan 98.82% e votuesve./Gazeta Blic./