Edhe degët e Vetëvendosjes ndahen, Podujeva rreshtohet kundër Albin Kurtit (FOTO)

Ndarjet në Lëvizjen Vetëvendosje që kanë filluar në qendër, gradualisht po zbresin edhe nëpër degët e kësaj partie.

Derisa në qendër kemi parë ndarje dhe dorëheqje, si dhe pozicionime më shumë individuale, në degë kanë filluar të pozicionohen njerëzit kryesor.

Njëra nga degët e rebeluar sikur qendra është ajo e Podujevës, shkruan lajmi.net.

Kjo degë është rreshtuar përkrah Visar Ymerit e Dardan Molliqajt, kundër Albin Kurtit dhe mbështetësve të tij.

Blerim Maqastena, sekretar i qendrës së VV-së në Podujevë e ka kritikuar ashpër deputeten Fitore Pacolli, e cila haptas ka dalë kundër Visar Ymerit dhe në krah të Kurtit.

“Fitore Pacolli më i kallxu Visar Ymerit çka është aktivisti. Ma vdekje tybe s’ka”, ka shkruar Maqestena.

E këtij postimi ia ka bërë “like” Dardan Molliqaj, duke treguar tërthorazi se pajtohet më atë që e ka shkruar Maqestena. /Lajmi.net/