E lënduara në aksidentin para dy muajsh në Kërpimeh të Podujevës vdes në QKUK

Policia e Kosovës njofton se nga Qendra Klinike Universitare e Kosovës janë njoftuar se ka ndërruar jetë një femër, e cila ishte aksidentuar më 30 shtator.

Aksidenti kishte ndodhur në fshatin Kërpimeh të Podujevës, ndërsa tashmë e ndjera ishte shtruar në repartin intensiv në QKUK deri ditën e djeshme.

Me vendim të prokurorit, trupi i pajetë i viktimës është dërguar në IML për obduksion. /KsP.