E dhimbshme: Ky është 29-vjeçari që vdiq në aksident trafiku

Një vetaksident trafiku me fatalitet ka ndodhur sonte në fshatin Lubozhdë të Istogut, ku për pasojë ka humbur jetën shoferi i veturës, raporton Gazeta Sinjali.

Lajmin për vdekjen e Elvis Zogajt e kanë dhënë familjarët e tij në rrjetet sociale.

“Të Allahut jemi dhe tek Ai do te kthehemi! Të nderuar familjar, miq, dashamirë, ju njoftojmë se Vellau im (Elvis Agron Zogaj ) ja ka dorzuar shpirtin Allahut të Madhërishëm! Per Varrim Ju njoftojm me Kohe”, njoftojnë familjarët e 29-vjeçarit.

Rasti është konfirmuar edhe nga Policia Rajonale në Pejë.

“Rreth orës 18:50, policia është njoftuar për një aksident në Lobuzhdë të Istogut. Me të arritur në vendin e ngjarjes, policia mësoi se bëhet fjalë për vetaksident. Një person ka qenë në veturë. Është njoftuar stafi emergjent dhe mjeku kujdestar ka konstatuar vdekjen e viktimës. Në vendin e ngjarjes kanë dalë njësiti i hetimeve të aksidenteve dhe Prokurori”, tha Fadil Gashi nga Policia.