Drejtoria e Arsimit në Podujevë: Të gjitha shkollat fillore e kanë nisur pjesërisht mësimin, Sindikata e Arsimit thotë të kundërtën

Në Komunën e Podujevës të gjitha shkollat fillore e kanë nisur pjesërisht mësimin.

Ndërkaq, në shkollat profesionale “Fan S.Noli” dhe “Isa Boletini” janë duke punuar me numër më të vogël të profesorëve, kurse në gjimnazin “Aleksander Xhuvani” mësimi nuk ka filluar.

Këtë për KlanKosova.tv e bëri të ditur Avni Fetahu, drejtor i Arsimit në këtë komunë.

“Shkollat fillore janë duke punuar me një numër të vogël të mësuesve deri në dy apo tre, si dhe me nga 30 apo 40 nxënës. Ndërsa, arsimtarët nga klasa e gjashtë deri në të nëntën kanë një hezitim në lëndë të caktuara”.

“Në gjimnaz kishte nxënës por asnjë profesor nuk e zhvilloi mësimin, ndërsa në shkollat profesionale ka nxënës më pak por janë deri 10 deri në 11 profesorë që punojnë”,ka thënë Fetahu.

Mirëpo në Sindikatën e Arsimit në Podujevë e thonë të kundërtën. Sipas tyre grave po mbahet nga 99% e mësimdhënësve në të gjitha nivelet, me përjashtim të ndonjë mësimdhënësi që mbajnë ndonjë orë.