Drejtori i Zhvillimit Ekonomik në Podujevë ngre padi ndaj asambleistit të PDK-së

Seanca e fundit e Kuvendit Komunal të Podujevës kishte kaluar me mjaft tensione dhe akuza e kundër akuza mes ekzekutivit dhe opozitës, njofton PodujevaPRESS.net

Akuza të tilla kishte ngritur edhe këshilltari i PDK-së Rafet Llapashtica për çështjen e debatit propozimi për plotësimin dhe ndryshimin e Rregullores për orarin e punës së bizneseve që operojnë në Komunën e Podujevës, duke e akuzuar Drejtorin e Planifikimit dhe Zhvillimit Ekonomik, Pajtim Balaj se gjatë kohës sa ishte drejtori i Kulturës babai i tij kishte marr subvencione pa kritere.

Pajtim Balaj, kishte kërkuar që kjo pikë të hiqet nga rendi i ditës, pasi sipas tij, ata e kanë planifikuar ta rishikojnë vetëm pjesërisht, ndërsa Komiteti për Politikë dhe Financa kishte kërkuar që Rregullorja në fjalë të rishikohet në tërësi.

Kjo ka shkaktuar pastaj debat të gjatë në mes të këshilltarëve komunal.
Por pas akuzave ka reaguar edhe vet Balaj i cili ka thënë se ndaj këshilltarit të PDK-së do të ngre padi për shpifje.

E pikërisht këtë e ka bërë të ditur sot me anë të një postimi në Facebook, Pajtim Balaj i cili ka shkruar se “Duke e parë të domosdoshme ta mbroj emrin dhe dinjitetin tim dhe të babait tim, sot kam deponuar Padi kundër Shpifjes dhe Fyerjes, të drejtuara ndaj meje nga njëri prej këshilltarëve të PDK-së, në seancën e fundit të Kuvendit që u mbajt një javë më parë

Ky është postimi i tij:

Duke e parë të domosdoshme ta mbroj emrin dhe dinjitetin tim dhe të babait tim, sot kam deponuar Padi kundër Shpifjes dhe Fyerjes, të drejtuara ndaj meje nga njëri prej këshilltarëve të PDK-së, në seancën e fundit të Kuvendit që u mbajt një javë më parë.

Në pamundësi të përballjes me argumente, është bërë praktikë që t’i sulesh kundërshtarit me sulme ad hominem. Unë besoj se koha kur njerëzit kanë fyer pa masë e pa bazë të tjerët, pa u përballuar me përgjegjësi publike duhet të marrë fund.

Unë shpresoj që Gjykata do të veproj shpejt dhe me shpifësin do të përballemi në Gjykatë!

Atij që më ka akuzuar mua, i takon ta deshmoj se cilin subvencion, kur dhe në çfarë vlere paska përfituar Pajtim Balaj.