Drejtori i Inspektoratit në Podujevë: Gjoba për të gjitha partitë politike që mbajtën tubime

Drejtori i Inspektoratit në Komunën e Podujevës, Ajet Potera, ka thënë se të gjitha partitë politike që kanë mbajtur tubime në këtë Komunë, u janë shqiptuar gjoba.

Lajmin e ka bërë publik Potera në një postim në Facebook, teksa ka shtuar se gjobat janë shqiptuar nga Inspeksioni së bashku me Policinë dhe inspektorët sanitarë nga MSH.

“Gjatë fushatës zgjedhore shkurt 2021 në Komunën e Podujevës, Drejtoria e Inspeksionit të Podujevës së bashku me Policinë e Kosovës në Podujevë dhe Inspektorët Sanitarë nga Ministria e Shëndetësisë kemi shqiptuar gjoba për shkeljet e masave anti COVID-gjatë tubimeve elektorale për gjitha subjektet politike”, shkruan tutje Potera

Ai ka thënë se gjoba u janë shqiptuar:

-Lëvizjen VETËVENDOSJE! (LVV)

-Lidhjen Demokratike të Kosovës (LDK)

-Partinë Demokratike të Kosovës (PDK)

-Aleancën për Ardhmërinë e Kosovës (AAK)”