Drama në Podujevë përfundon pa fitues

Llapi ka barazuar me kampionin aktual Trepçën ’89 në një ndeshje dramatike të zhvilluar në Podujevë.

Mitrovicasit në këtë takim tre herë kaluan në avantazh, por vendasit tre herë barazuan rezultatin në një prej ndeshjeve më dramatike të këtij sezoni në Superligë.

Oto John realizoi për ’89-shin në minutën e gjashtë, ndërsa Mirlind Daku barazoi në minutën e 27.

Një minutë para fundit të pjesës së parë ishte përsëri John që ktheu epërsinë e Trepçës ’89.

Namani barazoi në minutën e 58 ndërsa shfaqja dramatike u la për minutat shtesë të takimit.

Oto John realizoi hat-trick në minutën e 91 të takimit, por fitoren e mysafirëve e pamundësoi përsëri Hamdi Namani në minutën e 93.

Ndeshja përfundojë me rezultat 3:3