Draft-Raporti i Terras: Keqardhje që Kosova s’e zgjodhi presidentin e ri brenda afateve kushtetuese

Në draft-raportin për vitin 2025, Raportuesi për Kosovën në Parlamentin Evropian, Riho Terras, ka shprehur keqardhje që Kosova dështoi të zgjedh Presidentin e ri, brenda afateve kushtetuese, shkruan Reporteri.net.

Në raport theksohet se si vendi po shkon drejt zgjedhjeve të reja.

Viti 2025, cilësohet si “vit i humbur” për vendin, shkaku i ngërçit institucional.

Lënda e Kurtit për dekretin e Presidentes, sot afati i fundit për dorëzimin e komenteve në Kushtetuese

Partnerët e Platformës së KiE-së do të zhvillojnë një mision faktmbledhës rreth lirisë e medias në Kosovë

Me dron e Njësinë K9 – vazhdon operacioni i kërkimit për personin që u raportua i zhdukur në Rahovec

“Mirëpret formimin e Asamblesë dhe Qeverisë së re të Kosovës më 12 shkurt 2026, pas zgjedhjeve të parakohshme parlamentare të mbajtura në dhjetor 2025 dhe pas më shumë se një viti bllokade politike; shpreh keqardhje, megjithatë, për procesin politik të paralizuar gjatë vitit 2025 që rezultoi në një “vit të humbur” për Kosovën; shpreh gjithashtu keqardhje për dështimin e Asamblesë për të zgjedhur një President të ri brenda afatit kushtetues, duke e shtyrë kështu vendin drejt zgjedhjeve të reja; merr në konsideratë shpërndarjen e Kuvendit me dekret presidencial më 6 mars 2026”, theksohet në raport.

Ky draft-raport përfshin zhvillimet politike, sundimin e ligjit, ekonominë, korrupsionin, dialogun me Serbinë dhe procesin e integrimit evropian të Kosovës për vitin 2025.

Ai ka thënë se Kosova ka bërë përparime të dukshme në reforma zgjedhore, qëndrueshmëri ekonomike dhe në mbrojtjen e të drejtave themelore, por pavarësisht këtyre, sipas Terras sfidat vazhdojnë të mbesin në reformën për drejtësi, liri të mediave, efikasiteti i administratës publike dhe digjitalizim të shërbimeve publike.

Terras në këtë draft raport ka thënë se angazhimi i vazhdueshëm për reforma gjithëpërfshirëse dhe qeverisje gjithëpërfshirëse është thelbësor për përparimin e Kosovës në rrugën e integrimit evropian.

Në lidhje me dialogun Kosovë-Serbi, ai ka thënë se nuk ka dhënë rezultatet e pritura./Reporteri.net