Dogana aksion në Podujevë, gjejnë paisje për prodhim të kriptovalutave

Sot gjatë ditës në një objekt banesorë në qytetin e Podujevës dogana e Kosovës në bashkëpunim me policinë dhe KEDS kanë kryer bastisje ku kanë gjetur numër të madh të paisjeve për prodhimin e kriptovalutave, ka treguar një burim i PodujevaPRESS.

Burimi ka treguar se konfiskimi i paisjeve të gjetura është bërë sot në mesditë.

Kujtojmë se Qeveria e Kosovës kishte marr vendim për ndalimin e këtyre paisjeve në Kosovë.

Çka janë kriptovalutat?

Kriptovaluta është para digjitale që bazohet në teknologjinë “blockchain”. Ndryshe nga euro apo dollari amerikan, nuk ekziston një autoritet qendror që menaxhon dhe ruan vlerën e një kriptovalute.

Bitcoin ishte kriptovaluta e parë dhe më e shtrenjta deri më tani. Ky coin ishte propozuar nga Satoshi Nakamoto, në një dokument të vitit 2008, të titulluar “Bitcoin: Sistem elektronik, pa ndërmjetësues, i parasë së gatshme”.

Përveç Bitcoin, ekzistojnë mbi 5 mijë kriptovaluta të ndryshme në qarkullim.

Aktualisht në Kosovë supozohet të janë rreth 10 mijë persona që posedojnë kriptomonedha.