Djali i Agim Veliut kërcënon gazetarin: Pasi të përfundoj tubimi kam punë me ty (Foto)

Tashmë ka nisur fushata për zgjedhjet lokale që do të mbahen më 22 tetor. Bashkë me të edhe tubimet e partive nëpër qytete të ndryshme të Kosovës.

Gazetari i quajtur Eduard Haliti ka bërë publike një kërcënim që i ka ardhur nga djali i kryetarit të deritanishëm të Podujevës, Agim Veliut, i cili ka rikandiduar sërish për këtë pozitë.

Gazetari Haliti tregon se gjatë hapjes së fushatës së LDK-së në Podujevë, Naser Veliu i kishte thënë se pasi të përfundonte tubimi, ‘kam punë me ty’

Gazetari në fjalë thotë se arsyeja e kërcënimit është fakti që kishte raportuar për disa punë që kishin ngecur, apo nuk ishin kryer siç duhet nga kryetari Agim Veliu.

Më poshtë keni shkrimin e plotë të tij në Facebook:

‘Ky djali në foto qenka djali i Agim Veliut që unë se kam njoftë më herët Sot përderisa e përcjella hapjen e fushatës nga LDK-ja në Podujevë në detyrën e gazetarit, mu afrua nga pas më tërhjeku, dhe më tha që të mos e prish, mos të shkruaj diçka keq lidhur me hapjen e fushatës së tyre. Për më shumë, ky djali, që tash e mora vesh që qenka Naser Veliu, i biri i Agim Veliut kandidat për Podujevë, më tha që pasi të përfundojë organizimi, ka punë me mua. Kjo ngase unë e kam paraqitur atë punë që ka ngecur në Komunën e Podujevës dhe ato punë që nuk janë kryer mirë nga ekipi i kryetarit aktual Agim Veliu. Por i kam nja dy fjalë për kit tipin në foto, dhe gjitha ata tipat si ky, asnjëherë nuk do ndalem, kërcënimet e tua ‘mangupqe’ nuk pinë ujë tek unë. Kërcënimet e tilla mua më bëjnë më të fortë. Andaj pushka top tu baftë. Tash rastësisht e pash në Debatin Jeta në Kosovë, shpreha interesim me ditë kush është, dhe e mësova që qenka sugari i Veliut. Pasi që nuk e kam ditur identitetin tënd, nuk e kam paraqitur rastin në polici, ndërsa fiks tani po nisem për në Polici ta lajmëroj rastin si kërcënim.’

/GazetaBlic/