Ditë e keqe për vendin, tollovia e sotme nëpër markete mund të na kushtojë shumë!

Prej nesër masat lidhur me qarkullim e qytetarëve, por edhe të automjeteve nëpër Kosovë do të ndryshojnë.

Tashmë secili ka të drejtë vetëm një orë e gjysmë të dal, të kryejë shërbimet që ka për të kryer dhe e gjithë kjo caktohet në bazë të një orari të lidhur në bazë të numrit të parafundit personal të letërnjoftimit.

Por sot shumë qytetarë të shqetësuar lidhur me këtë gjendje vërshuan marketeve për t’u furnizuar me gjëra ushqimore e produkte higjienike.

Ngjashëm po ndodhë në Podujevë, edhe pas orës 17:00. Në parkingun e një prej marketeve të kësaj komune, saktësisht në rrugën ’28 Nëntori’.

Vetëm në këtë parking janë mbi 50 vetura të familjeve të ndryshme të cilët po përkujdesen për blerjen e gjësendeve të nevojshme.

Siç duket masat e reja nga ministria e Shëndetësisë krijuan frikë tek qytetarët pasi gjendja e ngjashme ishte gjithë ditën anembanë Kosovës, ‘tollovi’ kjo e cila do të na kushtojë me numrin e të infektuarve, rezultate që sigurisht do të shfaqen pas dy javësh./Indeksonline/