Vdes mamia llapjane Sanije Topanica, iu ndihmoi grave në lindje gjatë luftës
Dikush në Shqipëri kundër taksës ndaj Serbisë
Një ministër i Qeverisë së Shqipërisë nuk po e përkrahë taksën e vendosur nga Kosova për produktet serbe e boshnjake. Arbër Ahmetaj thënë se kjo nuk u ndihmon shteteve në Ballkan. Këto deklarata janë pritur keq në Prishtinë. Ekonomisti Lekë Musa ka thënë se në vend të deklaratave dekurajuese, Shqipëria duhet të depërtojë në tregun e Kosovës. Më të ashpër me deklaratën e ministrit shqiptar janë treguar zyrtarët e AAK’së.
Ish-Kryetari i Odës Ekonomike Amerikane, Lekë Musa, po konsideron se Shqipëria po e humb rastin të futet në tregun kosovar pas takës së vendosur ndaj produkteve serbe.
Në vend të kësaj, Musa thotë se nga Shqipëria po vijnë deklarime dekurajuese për vendimin e Qeverisë së Kosovës.
Reagimi i Musës ka ardhur pas deklaratave të Ministri të Financave të Shqipërisë, Arbër Ahmetaj, i cili doli kundër vendimit të Kosovës për taksën ndaj mallrave serbe.
E për T7, lidhur me këtë deklaratë të ministrit shqiptar ka folur Haki Shatri, këshilltari politik i Kryeministrit Ramush Haradinaj. Ai ka thënë se vendimi për taksën është çështje e Kosovës.
Ndërsa, nënkryetari i AAK’së, Muharrem Nitaj ka thënë se ministri Ahmetaj nuk e di se kush përfiton nga kjo taksë.
Qeveria e Kosovës para 3 ditëve u ka vendosë taksë 100% produkteve serbe dhe boshnjake që hyjnë në territorin e Kosovës.
Ramush Haradinaj ka thënë se e heqin taksën kur Serbia ta njohë Kosovën dhe të ndalë pengesat që i ka bërë kosovarëve të anëtarësohen në organizata ndërkombëtare.
