Dikur i gatshëm të jap jetën për Albinin, sot e akuzon. Llapjani që mbronte Kurtin (FOTO)

Pas 13 viteve aktivitet vendosi të largohet nga subjekti që nuk kurseu asgjë. Qytetarët e Podujevës e njohin shumë mirë Blerim Maqastenën, ata e dinin se aty ku ishte Albin Kurti ishte edhe Blerim Maqastena, transmeton PodujevaPRESS.com

Blerimi ishte edhe një lloj truproje e Albinit, sa që shumë herë policia e kishte arrestuar për shkak se nuk i lejonte ta arrestonin atë. Ai e kishte thyer edhe hundën në protesta.

Por çfarë ndodhi mes Blerimit dhe Albinit? Pse vendosi të largohet nga ky subjekt? Këtë e tregon vetë z.Maqastena.

Në një postim ai thotë se Albin Kurti kishte angazhuar njerëz që të bënin fushatë linquese ndaj tij vetëm pse kishte mbrojtur të dorëhequrit nga Vetëvendosje:

“Bindja politike. sakrifica dhe përkushtimi, që dikur ishin vlera të padiskutueshme, sot janë zëvendësuar me lakmi, pozita e privilegje. Këtë na e tregon edhe gjuha me të cilën më kanë sulmuar mua dhe të tjerët, vetëm pse nuk pajtohemi me eleminimet politike që kishin marrur trajtë shqetësuese. Këtë gjë nuk mundem kurrë ta fali tek veprimet e Albin Kurtit. Ai me fushatë të organizuar, përmes njerëzve të afërt me të, nuk tregoi konsideratë për aktivistët, por mbi të gjitha, nuk u brengos fare kur shkeli mbi shpresat e qytetarëve. Këtë gjë nuk kishte të drejtë ta bënte. Kryetar edhe u bë, por besimi i qytetarëve në Lëvizjen VETËVENDOSJE! nuk do të kthehet kurrë më”.

Ai tregon edhe për aktivitetet e tij në Vetëvendosje, për protestat, arrestimet etj:

“Në angazhimin tim në Levizjen VETEVENDOSJE! përfshihen: greva e urisë në burgun e Lipjanit (Qershor 2006), rrahja brutale me duar lidhur në stacionin policor (Prill 2007), vuajtjet 68 ditëshe në burgun e Pejës, lendimet në fytyrë (thyerja e hundës) nga Njesia Speciale e Kosovës (Maj 2011), shumë ballafaqime të tjera, e sidomos rrahjet, maltretimet, torturat, para syve tonë, ndaj shokëve e shoqeve, vuajtjet e rënda që i kemi përjetuar në këto raste, edhe shumë e shumë raste të tjera të dhimshme që sot nuk dua ti permend. Të gjitha këto kanë qenë të shërueshme shpejtë, sepse ishim bashkë në organizim, bashkë në drejtim. Të gjitha këto i dedikohen Kosovës, qytetarët e të cilës gjetën shprehjen e tyre përmes Lëvizjes tonë.

Blerim Maqastena ka një mesazh për ish mikun e tij Albin Kurti:

“Albin, aktivistët që deri dje ishin shokë të ngushtë në mes veti i ktheve kundër njëri tjetrit, duke etiketuar e duke manipuluar. E keqpërdor besimin e pakusht që njerëzit e kishin për juve. Tani as njerëzit e afërt me juve nuk do të besojnë. Sepse besimi ka për bazë dashurinë për tjetrin. Këtë gjë ata nuk e kanë më, sepse ti u a mësove të kundërtën, Për 1 vit rresht dhe shembull për modelin e ri të aktivistit, vetëm e vetëm që të zgjedhesh Kryetar. Tani nuk e kam të qartë se çfarë të duhet bajraktari kur më askush nuk beson në juve”.

Blerimi nuk ka treguar se a do ti bashkohet ndonjë subjekti tjetër politikë apo do të jetë si asambleistë i pavarur në Kuvendin Komunal të Podujevës. Ai ka falenderuar të gjithë ata që e kanë përkrahur këto vite:

”Unë vazhdoj me mesimin e vlefshëm që “Padrejtesia diku është rrezik për drejtesinë kudo”, prandaj edhe po largohem, përfundimisht. Dua ta përsëris mirënjohjen që kam për aktivistët, bashkëfshatarët, familjarët e afërm dhe të largët, të gjithë ata që u kujdesen dhe që më strehuan në raste të veçanta, të gjithë shokët e shoqet që ishin çdo herë të gatshëm për ndihmë. Falenderoj përzemersisht të gjithë ata që falë meje janë rreshtu dhe e kanë përkrahur Lëvizjen VETËVENDOSJE! Unë do të vazhdoj t’i jetësoj bindjet e mia politike si Këshilltar në Kuvendin Komunal të Podujevës”, përfundon ai.

Tani me largimin e z.Maqastena nga VV-ja ky subjekt ka mbetur me 8 asambleistë në Podujevë. PodujevaPRESS.com

Më poshtë mund ti shihni disa foto ku shihet Blerimi me Albinin: