Diaspora po e mbanë gjallë Kosovën, sivjet dërguan edhe më shumë para se vitin e kaluar FOTO

Kur gjatë krizës më të madhe pas luftës, politika e la në lloç për inate të ndryshme, bankat ia kthejnë shpinën duke kredituar pak, qytetarit të Kosovës prap i mbetet një burim që nuk po e zhgënjen kurrë – diaspora.

Në periudhën e pandemisë, mars-maj 2020, dërgesat nga diaspora në Kosovë ishin rreth 223 milionë euro, pra edhe më të larta se në periudhën e njëjtë të vitit 2019. Këto statistika janë nxjerrë nga Banka qëndrore e Kosovës (BQK), shkruan Ballkani.info.

Sipas këtyre statistikave, diaspora kosovare ka dërguar para në atdhe për përiudhën mars-maj të këtij viti mbi 223 milionë euro, apo mbi katër milionë më shumë se në përiudhën e njëjtë të vitit të kaluar.