“Të vras”, “E han plumbin” | Çifti e kërcënojnë njëri – tjetrin
![Dhunë në një familje, gruaja denoncon burrin në Polici](https://podujevapress.net/wp-content/uploads/2023/10/800-450-1666680438xabuzimi-arrestimi-600x360-1-648.jpg)
Dhunë në një familje, gruaja denoncon burrin në Polici
Mungesa e hetimeve që çojnë në zgjidhjen e rasteve të dhunës, dënimet e ulëta nga Gjykatat, si dhe mosreagimi i duhur nga ana e Policisë, shpesh janë vlerësuar si disa nga faktorët që po ndikojnë në rritjen e numrit të rasteve të dhunës në familje. Gratë, si viktimat më të shpeshta frikësohen t’i denoncojnë bashkëshortët, çka i shtynë ata që ta përsërisin veprën e njëjtë, raporton Gazeta Sinjali.
Në Polici kanë përfunduar dje edhe një çift nga Fushë Kosova, pasi burri dyshohet se ushtroi dhunë ndaj bashkëshortes së tij.
Burimet e Gazetës Sinjali brenda Prokurorisë kanë bërë me dije se 46-vjeçarja ka pësuar lëndime trupore shkaku i dhunës dhe e njëjta është dërguar për tretman mjekësor në spital.
Ndërkohë i dyshuari është arrestuar dhe është shoqëruar në stacion policor për intervistim.
Pas përfundimit të procedurave policore, Prokurori i Shtetit ka nxjerrë aktvendim që të dyshuarit t’i caktohet masa e ndalimit policor si i dyshuar për veprën penale ‘Dhunë në familje’.